عاااااااااش العراق

محد قرة التاريخ جيف انته بيه ..... تاريخك يابلد يشبه جبل سنجار

جم طائفة البيك وانته الفحل ..... جم ضالم تولاك وانته عل الاصرار

التاريخ يطلب منك رخصة عبور .... نايم ياوطن بس ماتدري با الصار

ماتنشطب انته لازك با الكلوب ... وانته ابد متغيب يل جنك اعصار

مر عل رصافي وخذ منه العلوم.. . يكلك منهو التريده ومنو التختار

علمني منهو العراق انه تجننت .. يل تسأل ما اكدر اوصف هذا جبار

بي دجله وفرات وبيه كوم اشياء .. جم نخله بيه وجم غصن اشجار

بيه النجف مدفون ابو الحسنين ........ بيه جنوب وشمال وبيه الااثار

بس فجأة العراق اطوق بدبابات ........ ولن الرصافي اتأسر من الكفار

وطيور العراق اتحولن اشباح .......... وبغداد صاحت فزعولي يل ثوار ..

يلعن ابو التاريخ وينه القراك ............ العتب عل حاكم اكبر نذل غدار

ياوطن اصمد انته ابو الزينات ....... صح جسمك اتكطع وانعرض اخبار

ارد لتاريخ وهوه اليكلي البيك ......... وشلون ابدي وشكول انه محتار

يل صبحك صبح موت وقتل واجرام .. كفرو ابغداد ولحد عليك الغار

لك يابلد تنتخي ومحد الك كام ........ شيبت ياشاب وانته بيك اسرار

لعبُ لعبت الشطرنج عل ظهرك .. من حزنك براسي انشلت الافكار

الثلاث نجمات خلو بيها اموات ....... وخطو اسم با العبري الاشرار

اسمك من التاريخ ابد ماينشال ... ولو حاول احد شيلته لاينكلب عار

مرتاحه الدول واحنا متعذبين ..... والجثث للاسف علكناها با الاسوار

لايازمن لاتسوي هيج ابلدنا ......... اريدك تسأل مهنته يشتغل صكار

اول مره اشوف الحر ايده تتكيد... ,,, وهذا العراق يصنع من الثلج نار

بغداد انكلبت علم احمر واسود ........ والبصره مانامت راحت العشار

بس ارجع انبه اقرو هل التاريخ ... وشوف العراق اول لازك با الاحبار

اليقرة تاريخ لازم يكون كده .... ويشوف الوطن وين وين وهسه صار

واليخونك خسئ ماطلع رجال ..... وتبقى العامر بأهلك يل كلك انوار

الله الله

رووووووعة وربي

تسلمين وردة

تقبلي مروري

عراقُنا الجريح
شكرا لمرورك في متصفحاتي البسيطه

شــقراء عــاشت ايــدج والله


تــقلبي مروري